Bónus er frábær verslun! Fór í Bónus á laugarvegi í dag og gerði býsna góð kaup og var ég oft gapandi yfir lágu verði.
Hálft Myllu brauð kostaði t.d. 39 krónur en kostar yfir hundrað kallinn í öðrum verslunum (samt. gróði af því að versla við Bónus = 100). Cocoa puffs kostaði 208 krónur og 1 kg af korn flögum kostaði 138 sem er ekkert! (samt. gróði af því að versla við Bónus = 600). Undanrennan kostaði 38 krónur og KEA vanillu skyr ekki nema 135, góð kaup! (samt. gróði af því að versla við Bónus = 840). Doritos kostaði 138 og annað kex og nammi var á góðu verði (samt. gróði af því að versla við Bónus = 1140). 2 ltr kók kostaði 109 og e-ð pastadrasl í pakka kostaði mun minna en annars staðar (samt. gróði af því að versla við Bónus = 1300). Skinka, spægipylsa, ostur og annað út á brauð var á góðu verði (samt. gróði af því að versla við Bónus = 1600). Stöðumælasektin sem beið eftir mér undir rúðuþurrkunni hljómaði upp á 2500 (samt. gróði af því að versla við Bónus = -900)
Ég hefði átt að versla í 10-11
miðvikudagur, maí 11, 2005
Gerast áskrifandi að:
Birta ummæli (Atom)
4 ummæli:
Æji krúttið mitt, núna verður þú að versla við bónus í 2-3 skipti í viðbót til að vinna upp tapið. Spurning um að leggja bara bílnum heima og rölta upp laugarveginn?
Eg er svo sammála Bibbu.... Ekki einu sinni ég hefði keyrt upp í Bónus Sævar Jökull....
Þetta var samt alveg fyndið. Er ennþá hlægjandi og alveg vöknuð.... Get ekki sofnað í bráð.
eheheheheh ég hefði keyrt líka...svo gott að stoppa við á leið úr vinnunni :) Ætli Bónus fái gróðann úr stöðumælunum og lækki þannig vörurnar? ;) Mar spyr sig...
Hehe auli ;) ..hefðir kannski átt að setja nokkra tíkalla í stöðumælinn...ha??
Kv.Kata lata
Skrifa ummæli